Kancelarja gjermane Angela Merkel bëri të ditur se transporti ajror në Afganistan do të përfundojë “brenda pak ditësh”.  Sidoqoftë, kjo nuk do të thotë që ish-punonjësit lokalë dhe njerëzit e tjerë në nevojë në Afganistan nuk do të mbrohen, tha Merkeli në deklaratën në emër të qeverisë para Bundestagut. 
Në fjalën e saj, kancelarja foli për një vendim të vështirë në lidhje me tërheqjen e punonjësve lokalë. “Le të përfytyrojmë për një çast që Gjermania të mos kishte filluar vetëm tërheqjen e Bundesëehr-it në pranverë, por edhe tërheqjen e punonjësve lokalë e të organizatave ndihmëse gjermane. Disa do ta kishin vlerësuar këtë me siguri si kujdes parashikues”, tha ajo.  
Polonia dhe Belgjika i dhanë fund operacioneve të tyre të evakuimit nga Afganistani, ndërsa vende të tjera evropiane u zotuan të mërkurën të vazhdojnë të qëndrojnë sa më gjatë të jetë e mundur, ndërsa ngushtohen afatet drejt tërheqjes së plotë të trupave amerikane.
Ndërkohë Shetet e Bashkuara kanë evakuuar gjatë 24 orëve të fundit 19,000 amerikanë dhe afganë që donin të largoheshin nga vendi, njoftoi Departamenti i Mbrojtjes. Megjithatë zyrtarët thane se 10,000 persona të tjerë po dynden në aerportin ndërkombëtar në Kabul me shpresën që të ikin nga vendi që kontrollohet tani nga Talebanët.