Memorandumi i Parisit: Anijet shqiptare nuk kanë risk të lartë lundrimor

Ekonomi | 2 vite më parë

Në përfundimi të punimeve të mbledhjes së 57-të Komitetit të Memorandumit të Mirëkuptimit të Parisit, flamuri shqiptar si rezultat i raportit pozitiv të inspektimeve të anijeve me flamur shqiptar në portet e vendeve të Bashkimit Evropian, nuk figuron më në listën e zezë .

Autoriteti Portual Durrës bën të ditur se tashmë çdo anije që mban flamurin shqiptar nëse do të prekë një port të një shteti anëtar të Memorandumit të Parisit dhe Bashkimit Europian, do të paraqitet si anije pa risk të lartë lundrimor.

“Urime administratës së flamurit në Drejtoria e Përgjithshme Detare dhe gjithë kolegëve që kontribuan për këtë arritje falë një plani masash të rrepta dhe konsistente këto tre vite. Mirënjohje dhe Transport Community për gjithë mbështetjen dhe orientimet kuptimplota”, shprehet në reagim Autoriteti Portual Durrës.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.