Banka e Shqipërisë ka rritur nivelin e rezervës së arit. Sipas Scan TV përgjatë muajit të kaluar rezerva e arit u rrit me 30.54 mln euro në krahasim me të njëjtën periudhë të një viti më parë.

Të dhënat e publikuara nga Banka e Shqipërisë tregojnë se vlera totale e arit arrinë në 203.51 mln euro muajin që lamë pas.

Edhe në tregjet ndërkombëtare, metali i verdhë është duke thyer rekorde për sa i përket vlerës që po arrin. Momentalisht ai po këmbehet me 2,300 dollarë për onz. 

Ari luan një rol shumë të rëndësishëm në ekonominë e një vendi, ku më e rëndësishmja është mbrojtja kundër paqëndrueshmërisë financiare. 

Gjatë periudhave të pasigurisë ekonomike ose krizës financiare, investitorët shpesh i drejtohen arit si një strehë e sigurt.

Vlera e arit zakonisht ka tendencë të rritet kur investimet e tjera, të tilla si aksionet ose monedhat, po performojnë dobët. 

Kjo pasi ari shihet si një aktiv i qëndrueshëm që ruan vlerën e tij edhe në kushte të trazuara ekonomike.

/ rtsh.al /