BE, Gentiloni: Presim që Rusia të respektojë kontratat, por dhe nëse s’e bën jemi të përgatitur, kemi rezerva gazi

Ekonomi | 4 vite më parë

Komisioneri ekonomik, Paolo Gentiloni, deklaroi se Bashkimi Evropian pret që Rusia të respektojë kontratat e energjisë për të cilat ka rënë dakord, por BE është e përgatitur ta përballojë sfidën nëse nuk e bën këtë.

I pyetur për ndalimin e gazsjellësit Nord Stream 1, Gentiloni u tha gazetarëve: “Ne presim që Rusia të respektojë kontratat që ka”.

“Por edhe nëse sasia e energjisë ndërpritet, BE-ja është e gatshme të reagojë,” tha ai në konferencën e biznesit të Forumit Ambrosetti në Italinë veriore, duke vënë në dukje nivelet e larta të ruajtjes së gazit dhe planet për të kursyer energjinë në dimër. Reuters

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.