Abazoviç: Mali i Zi miraton një paketë masash kufizuese kundër Rusisë

Rajon | 5 vite më parë

Zëvendëskryeministri i Malit të Zi, Dritan Abazoviç, ka shkruar në llogarinë e tij në Twitter se në mbledhjen e fundit të qeverisë së Malit të Zi është miratuar paketa e masave kufizuese ndaj Rusisë.

Abazoviç falenderoi të gjithë ministrat, Qeverinë, Sekretarin e Përgjithshëm të NATO-s Jens Stoltenberg, NATO-n dhe Delegacionin e Bashkimit Evropian në Mal të Zi për bashkëpunimin e tyre.

Vendimi i qeverisë së Malit të Zi është përshëndetur nga SHBA-të. Kujtojmë se sanksionet ishin bllokuar prej 4 javësh, ndërsa kaluan në mbledhjen e qeverisë që drejtohej nga Abazoviç.

Mbledhja e qeverisë u drejtua nga Abazovic për shkak se kryeministri i Malit të Zi Zdravko Krivokapić ishte në Forumin Ekonomik Delphi.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.