Aeroplanmbajtësja AUS ka mbërritur në Korenë e Jugut për një stërvitje të përbashkët detare për herë të parë që nga viti 2017 mes kërcënimeve në rritje nga Koreja e Veriut, njofton Deutsche Welle.

Anija me energji bërthamore USS Ronald Reagan arriti në portin e Busanit të premten, ndërsa të dy vendet përgatiten për një stërvitje që synon të tregojë forcë përballë kërcënimeve në rritje nga Koreja e Veriut.

SHBA dhe Koreja e Jugut kanë ringjallur stërvitjet e përbashkëta ushtarake në shkallë të gjerë, të cilat u zvogëluan ose u ndaluan në vitet e fundit për shkak të përpjekjeve diplomatike për t’u angazhuar me Korenë e Veriut dhe pandeminë e koronavirusit.

Pse po bëhen sërvitjet tani?

Presidenti i Koresë së Jugut, Yoon Suk-yeol, ka bërë thirrje për më shumë stërvitje të përbashkëta në përpjekje për të paralajmëruar Phenianin, i cili testoi një numër rekord raketash në fillim të këtij viti. Këto teste erdhën pasi përpjekjet për të bindur Kim Jong-Un për t’i dhënë fund armëve bërthamore dhe programet e zhvillimit të raketave dështuan.

Ardhja e USS Ronald Reagan është dislokimi më vendimtar ende nën një shtysë të re për të rritur “asetet strategjike” të SHBA-së me aftësi bërthamore që të operojnë në zonë për të penguar Korenë e Veriut.

Marina e Koresë së Jugut tha se trajnimi i saj i përbashkët me amerikanët ka për qëllim të shfaqë gatishmërinë ushtarake dhe “vendosmërinë e vendosur nga aleanca Kore-SHBA për hir të paqes dhe stabilitetit në Gadishullin Korean”.

Kur ishte hera e fundit që SHBA dërgoi aeroplanmbajtëse në rajon?

Hera e fundit që SHBA dërgoi aeroplanmbajtëse ishte në vitin 2017, kur tre aeroplanmbajtëse, përfshirë USS Ronald Reagan, kryen stërvitje detare me Korenë e Jugut pas testeve bërthamore dhe raketore të Koresë së Veriut.

Vëzhguesit e sigurisë kanë thënë se Pheniani duket se po përgatitet për të rifilluar testimin bërthamor për herë të parë që nga viti 2017. (Sipas Deutsche Welle)