Aksident i rëndë në Turqi/Autobusi del nga rruga, humbasin jetën 8 persona

Botë | 4 vite më parë

Një aksident i rëndë ka ndodhur në Turqi ku 8 persona kanë humbur jetën pasi një autobus pasagjerësh ka dalë nga rruga duke u përmbysur.

Sipas mediave turke, autobusi po udhëtonte nga Diarbakir në Bodrum pranë rrethit Dinar të Afyonkarahisarit kur ndodhi aksidenti.

Të plagosurit u transferuan me autoambulanca në Dinar dhe Afyonkarahisar, si dhe në spitalet përreth.

Sipas deklaratës së Zyrës së Guvernatorit Afyonkarahisar në lidhje me aksidentin thuhet se “një autobus pasagjerësh (3 anëtarë të ekuipazhit dhe 40 pasagjerë) që udhëtonte nga Diyarbakır në Bodrum në vendndodhjen e rampës Karavezir të rrugës Çay-Dinar në rrethin Dinar u përmbys si pasojë e humbjes së kontrollit nga shoferi”.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.