Aksident në Orikum-Vlorë/ Përplasen dy automjete, mbeten të plagosur dy persona
Dy automjete janë përplasur me njëra-tjetrën sot në zonën e Jonufërit, në rrugën që lidh Orikumin me Vlorën.
Sipas informacioneve paraprake, një Volkswagen Golf që po lëvizte në drejtimin Orikum–Vlorë është përplasur me një automjet tip Mercedes-Benz që udhëtonte në drejtimin e kundërt, nga Vlora drejt Orikumit.
Si pasojë e përplasjes, janë lënduar shoferi dhe pasagjerja e një prej mjeteve. Të dy të dëmtuarit janë dërguar menjëherë në spital për kujdes mjekësor.
Policia është në vendngjarje dhe po kryen hetimet për të përcaktuar shkaqet e aksidentit.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Të ngjashme
Të fundit
