Aksion blic në Vlorë, Policia operacion për kapjen e të shumëkërkuarve

Aktualitet | 2 vite më parë

Dy persona të shumëkërkuar ishin të premten mbrëma objektivi i një operacioni policor në qytetin e Vlorës.

Aksioni i nisur në orën 23:00 rezultoi me bllokimin e rrugës drejt Ujit të Ftohtë për 90 minuta, ndërsa Policia vijoi të gjurmojë personat e dyshuar se fshiheshin në një prej hoteleve të zonës. Kërkimet u zhvilluan në dhomat e lokalizuara kryesisht në katin e katërt të godinës.

Operacioni u mbështet nga dhjetëra efektivë të njësisë FAST së bashku me ata të ndërhyrjes së shpejtë. Mësohet se disa persona u pyetën në kuadër të aksionit, që kishte në shënjestër individë me rrezikshmëri të lartë. Autoritetet nuk dolën me një komunikim zyrtar.

Në Vlorë raportohet se janë shtuar masat dhe patrullimet nga forcat e rendit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.