Teoricieni i konspiracionit amerikan Alex Jones, është urdhëruar të paguajë 49.3 milionë dollarë si dëmshpërblim, pasi pretendoi në mënyrë të rreme se një sulm në një shkollë në vitin 2012, ishte një mashtrim. Një juri në Teksas vendosi që drejtuesi i radios duhet të paguajë 45.2 milionë dollarë si dëmshpërblim, përveç 4.1 milionë dollarëve për dëmshpërblim që ata dhanë një ditë më parë.

Gjyqi dyjavor i shpifjes u soll nga prindërit e një fëmije të vrarë në sulm. Njëzet fëmijë dhe gjashtë të rritur u vranë në Sandy Hook në Connecticut. Padia u ngrit nga Scarlett Lewis dhe Neil Heslin, prindërit e ndarë të 6-vjeçarit Jesse Lewis, i cili vdiq në të shtënat në shkollën fillore. Paditësit – të cilët thanë se kishin duruar ngacmime dhe shqetësime emocionale për shkak të keqinformimit të themeluesit të Infowars – kishin kërkuar 150 milionë dollarë dëmshpërblim. BBC

/rtsh.al/