Alibali-Krajës: Nëse sillni 200 mijë protestues në shesh, bie qeveria

Politikë | 2 vite më parë

Juristi Neritan Alibali, në emisionin ‘3D nga Alban Dudushi’ në RTSH, lidhur me protestën e PD-së dhe disa aleatëve të saj, u shpreh se ndonëse ka pasur disa kauza, PD me deklarimet dhe kritikat e saj nuk ka zgjuar empati te qytetarët.

“Ajo që më vjen keq është se megjithëse keni Ramën kundërshtar dhe e sulmoni, nuk përtoni të sulmoni edhe njëri- tjetrin, duke vijuar prapë me Bashën. Nëse si parti sillni 150- 200 mijë protestues dhe i mbani një javë në Tiranë, kur deklaroni se keni 500 mijë votues, mund të bëhet fjalë për qeveri teknike. Kritikat e juaja a kanë krijuar empati? Mendoj se jo, ndonëse keni pasur disa kauza.”, tha Alibali.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.