Shqip
English
Français
Deutsch
Ελληνικά
Italiano
Srpski
TürkçeAmnistia fiskale, Rama takim me ambasadorët në ‘Vilën 30’
Kryeministri Edi Rama po zhvillon një takim me ambasadorët e huaj në vendin tonë, teksa mësohet se po diskutohet në lidhje me amnistinë fiskale për emigrantët. Në takim marrin pjesë ambasadorja e SHBA, Yuri Kim, ambasadorja e BE Christine Hohmann si dhe ambasadori i Britanisë së Madhe, Alastair King-Smith.
Ditën e djeshme, kryeministri Edi Rama theksoi vendosmërinë e qeverisë për t’i shkuar deri në fund nismës së amnistisë fiskale, duke shtuar se askush nuk mund t’i thotë shqiptarëve se nuk mund të formalizojnë të ardhurat e tyre nga puna e zezë në emigracion.
Kujtojmë se Komisioni Europian ka paralajmëruar se drafti për amnistinë fiskale do të dobësojë kontrollin kundër pastrimit të parave si dhe përbën një rrezik thelbësor për reputacionin e vendit. Po ashtu rezerva ka shprehur edhe Dhoma Amerikane e Tregtisë.
/rtsh.al/
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.
