Ankara sot raundi i 63-të i bisedimeve eksploruese Turqi-Greqi

Botë | 5 vite më parë

Raundi i 63-të i bisedimeve eksploruese midis Greqisë dhe Turqisë do të zhvillohet sot në Ankara.

Duke iu referuar raundit të 63-të të bisedimeve eksploruese me Turqinë, ministri i Jashtëm Nikos Dendias, gjatë deklaratave të përbashkëta me homologun e tij qipriot, Nikos Christodoulides, pas takimit të tyre në Athinë, theksoi se ”është e papranueshme që Turqia, përmes provokimeve të vazhdueshme dhe deklaratave ndezëse, të përpiqet të minojë klimën e bisedimeve para se ato të fillojnë”.

“Greqia nuk kërcënon askënd, por nuk frikësohet nga veprimet ilegale. Ajo do të mbrojë sovranitetin e saj, do të mbrojë të drejtat e saj sovrane sipas ligjit ndërkombëtar dhe Ligjit të Detit”, theksoi Dendias./ATSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.