Ardhja e stinës së vjeshtës, rritet numrin i vizitave pediatrike në spitalin e Korçës

Sociale | 4 vite më parë

Pediatria e spitalit të Korçës po përballet me fluks të lartë vizitash. Sipas shefit të shërbimit pediatrik, Robert Rado e gjithë kjo ka ardhur për shkak shmangies nga ana e prindërve të sistemit të referimit te mjeku i familjes.

Mungesa e mjekëve pediatër pranë këtij shërbimi në spitalin rajonal të Korçës, është një tjetër shqetësim. Shefi i këtij shërbimi, Robert Rado, bën me dije se reparti i Pediatrisë ka vetëm dy mjekë specialistë. Ndërkohë që sipas tij shërbimi i rojës mbulohet me mjekë të përgjithshëm që vijnë nga qendrat shëndetësore.

Fluksi i vizitave edhe për mjekun pediatër pritet që të jetë shumë më i lartë gjatë ditëve në vijim edhe për shkak të ndryshimit të temperaturave.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.