Armëpushimi në Liban dhe Gazë, presidenti egjiptian pret drejtorin e CIA-s

Lindja e Mesme | 2 vite më parë

Presidenti egjiptian u takua me drejtorin e CIA-s Ëilliam Burns në Kajro për të diskutuar mbi Gazën dhe Libanin.

Sipas presidencës egjiptiane, Sisi i komunikoi Burnsit nevojën urgjente për një armëpushim në Liban.

Bisedimet u përqendruan gjithashtu në përpjekjet për të arritur një marrëveshje armëpushimi-peng në Gaza, si dhe ndihmën humanitare për enklavën.

Në takim mori pjesë edhe shefi i spiunazhit të Egjiptit, Hassan Rashad, tha presidenca egjiptiane.

Ndërkaq nga ana tjetër, SHBA intensifikon shtytjen e saj për një marrëveshje armëpushimi, ku po diskutohet propozimi i Uashingtonit. Mes SHBA-ve, Izraelit dhe Katarit po zhvillohet komunikim i vazhdueshëm për arritjen e një armëpushimi njëmujor në Gazë në këmbim të lirimit të disa pengjeve.

Negociatorët e Katarit, të cilët së bashku me Egjiptin janë bashkëbiseduesit kryesorë me Hamasin, aktualisht po diskutojnë propozimin e kufizuar me Hamasin.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.