Trajneri i Arsenalit, Mikel Arteta foli për të ardhmen e tij për mediat: “Nëse e ardhmja ime do të jetë në atdheun tim? Gjithmonë kam menduar se një ditë do të kthehem, sepse toka ime më tërheq shumë, si dhe mënyra jonë e të jetuarit, e të qenit bashkë, kultura jonë, kjo do të thotë që e kam gjithmonë në mendje, por jam i kënaqur këtu me mënyrën si më trajtojnë dhe më pëlqen shumë puna ime, mendoj se një ditë do të vijë koha të kthehem, nuk do të iki gjithë jetën”.

Luani për titull, por fitorja mund të mos jetë e mjaftueshme për ju për të ngritur trofeun dhe për të qenë kampionë.

“Mjafton të presim magjinë, duhet të bëjmë pjesën tonë dhe tashmë e dimë se çfarë të bëjmë. Do të jetë një ditë e mirë, tashmë është një ditë e mirë për ta përjetuar kampionatin në këtë mënyrë, deri në fund. Do të jetë hera e parë që Premier League do të jetë atje duke pritur në Emirates që kur është ndërtuar, me shirita në ngjyrat e fanellës sonë, nëse ne fitojmë dhe ata nuk fitojnë, ne do të jemi kampionë”.

E mbani mend kur prindërit ju lanë në Akademi?

“Po, më morën në makinë, u kthyen dhe morën autostradën, atë ditë e mbaj mend si një ditë shumë të vështirë, sepse gjithmonë kam qenë shumë i mbrojtur, gjithmonë i kam ndjerë shumë afër dhe atë ditë jam ndjerë vetëm. Familja më dha mjetet për të fluturuar vetë”.