Dy luftëtarë të arteve marciale janë nderuar në Austri, pasi kaluan përmes plumbave për të shpëtuar një polic të plagosur. Mikail Ozen dhe Rexhep Gultekin, përveç policit, i shpëtuan jetën edhe një gruaje. Ata janë pritur nga ambasadori turk në Vjenë dhe janë vlerësuar me medalje. Edhe Presidenti i Turqisë, Rexhep Tayip Erdogan, ka telefonuar dy të rinjtë turq të cilët jetojnë në Austri. Mediat turke raportojnë se presidenti është se është krenar për veprimin që kanë bërë, ndërsa i këshillon të ndihmojnë austriakët.

“Vazhdoni të ndihmoni austriakët. Ata mund të mos na kuptojnë, por ne i kuptojmë ata. Nuk u kujdesëm për fenë e tyre, nuk shikuam sektin e tyre. Ne thamë: “Na mjafton të jemi njerëz”. Ju nuk keni asnjë mëkat përveç të qenit mysliman, në sytë e tyre. Por për ne, të jesh mysliman është burimi më i rëndësishëm i krenarisë. Ne bëmë luftën më të madhe kundër terrorizmit. Unë jam i sigurt që ju do të jeni përfaqësues të mirësisë, paqes dhe bukurisë, kudo që të jeni. Në emër të kombit tim, familjes time dhe vetes time, ju falënderoj! Zoti qoftë i dashur dhe ndihmës. Përshëndetje për të gjithë familjen”, ka thënë presidenti Erdogan. /rtsh.al