“Ballkani i Hapur”, më 20 dhe 21 dhjetor samiti i radhës në Tiranë

Rajon | 5 vite më parë

Më 20 dhe 21 dhjetor, Tirana do të mirëpresë samitin e radhës të iniciativës rajonale “Ballkani i Hapur”.

Në mbledhjen që do të drejtohet nga kryeministri Rama, do të marrin pjesë dhe dy bashkëpunëtorët e tjerë të iniciativës, presidenti i Serbisë, Aleksandër Vuçiç, dhe kryeministri në largim i Maqedonisë së Veriut, Zoran Zaev.

Ashtu siç u dakordësua në takimin e fundit të “Open Balkan” në Beograd, në samitin e Tiranës pritet të nënshkruhet memorandumi për njohjen e lejeve të punës.

Nëpërmjet këtij memorandumi, çdo qytetar i një prej tre vendeve mund të punojë në secilin nga shtetet e iniciativës, pa pasur nevojën e aplikimit për leje.

Pak ditë më parë presidenti maqedonas, Stevo Pendarovski, shprehu skepticizmin e tij për iniciativën për sa kohë ajo nuk është gjithëpërfshirëse.

Gjithsesi, qëndrimi i Pendarovskit nuk ka ndikuar në qasjen e kryeministrit në largim Zoran Zaev, i cili mbetet një mbështetës i fort i iniciativës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.