Ballkani Perëndimor, kryeministri Mitsotakis bisedë telefonike me kancelarin gjerman Scholz

Botë | 5 vite më parë

Kryeministri Kyriakos Mitsotakis foli të premten në telefon me kancelarin gjerman Olaf Scholz dhe e uroi atë për marrjen e detyrës, duke shprehur synimin e Greqisë për të zgjeruar më tej marrëdhëniet dypalëshe.

Të dy liderët shkëmbyen mendime për zhvillimet në Ukrainë, duke vënë në dukje nevojën e ruajtjes së unitetit europian, të hapjes së kanaleve të komunikimit me Rusinë dhe respektimit të integritetit territorial të Ukrainës, pasi një veprim agresiv do të kishte pasoja të rënda.

Mitsotakis e informoi Scholz-in për zhvillimet në Mesdheun Lindor dhe diskutuan gjithashtu situatën në Ballkanin Perëndimor. Kryeministri grek nënvizoi se ka një momentum pozitiv për forcimin e marrëdhënieve ekonomike dypalëshe dhe për investimet gjermane në Greqi.

Mitsotakis dhe Scholz ranë dakord të takoheshin sa më shpejt të jetë e mundur./ANA

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.