Bankat lehtësuan standardet e kreditimit për blerje banese

Ekonomi | 5 vite më parë

Në Shqipëri bankat tregtare lehtësuan kushtet dhe termat e kreditimit për individët për blerje banesash në tremujorin e katërt të vitit 2021, bëri të ditur të enjten Banka e Shqipërisë.
Gjatë 9-mujorit të vitit 2021, bankat tregtare në vend disbursuan 28.7 miliardë lekë, ose rreth 235 milionë euro kredi të reja për blerjen e shtëpive.
Krahasuar me të njëjtën periudhë të vitit të kaluar, kjo vlerë është rritur me 60 %.
Sipas BSH-së, raporti i kredive të refuzuara ndaj totalit të aplikimeve për kredi nga individët u vlerësua në rënie këtë tremujor.
Banka e Shqipërisë, parashikon se kushtet e lehtësuara të ofertës për kredi të mbarten edhe në tremujorin e parë të vitit 2022.
Përballë kësaj politike kreditimi të bankave, edhe kërkesa për kredi, si nga ana e bizneseve ashtu edhe e individëve, pritet të jetë më e lartë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.