Bardhi: Të ngrihet Komision Hetimor për të verifikuar shpenzimet e OSHEE

Politikë | 5 vite më parë

Sekretari i Përgjithshëm, Gazment Bardhi, ka akuzuar qeverinë se ka shpenzuar 70 mln euro shpenzime luksi në OSHEE dhe se janë dhënë 240 mln euro tendera pa garë. Ai ka kërkuar që të ngrihet një Komision Parlamentar për të verifikuar shpenzimet e OSHEE.

“Keni shpenzuar 34 mln euro, 8.4 mln euro për rikonstruktim zyrash, 23.5 mln euro për ruajtje fizike. Sot keni dëgjuar shumë shifra nga të dyja palët. Mund të jeni hutuar dhe të na shihni me mosbesim. Ata që ju vjedhin janë këtu në qeveri. Ai ju ka ngarkuar me 4 mld euro borxh, pa jua dhënë mbrapsht për rroga apo shërbime më të mira në spitale. 240 mln euro tendera janë dhënë pa garë, 70 mln euro shpenzime luksi në OSHEE. Kërkoj të ngrihet Komision Parlamentar për të verifikuar shpenzimet e OSHEE”, tha Bardhi.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.