Bashkia Maliq rikonstrukton rrjetin e ujësjellësit në Kreshpan

Sociale | 6 vite më parë

I gjithë rrjeti i brendshëm i ujësjellësit të fshatit Kreshpan do të pësojë një rikonstruksion të plotë. Investimi me vlerë 2,2 milionë lekë synon zëvendësimin e tubacionit aktual i cili është me material eterniti, mjaft i dëmshëm për banorët. Administratori i njësisë Pojan Kreshnik Azo tregon se ndërhyrja do të përballohet financiarisht nga fondet e bashkisë dhe mendohet të përfundojë brenda një muaji.

Fshati Kreshpan nuk ka pasur probleme sa i takon furnizimit me ujë të pijshëm, por tubacionet e vjetra të eternitit kanë qenë një kërcënim i vazhdueshëm për shëndetin e banorëve. Me investimin e bashkisë së Maliqit e gjithë kjo situatë merr fund dhe banorët nuk do të kenë më frikën e elementeve kancerogjenë të cilat shpërndahen nga tubot e eternitit.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.