BE-SHBA marrëveshje për gazin e lëngshëm

Botë | 5 vite më parë

Këtë vit, Bashkimi Evropian do të furnizohet me të paktën 15 miliardë metra kub gaz të lëngshëm natyror (LNG) nga Shtetet e Bashkuara të Amerikës, në një përpjekje për të hequr dorë nga importet e gazit rus, njoftoi sot presidentja e Komisionit Evropian, Ursula von der Leyen.

Duke folur së bashku me presidentin e SHBA-së Joe Biden në Bruksel, Von der Leyen tha se blloku do të rrisë importet e LNG-së amerikane në 50 miliardë metra kub në vit për një afat kohe të gjatë.

Sipas komisionit, kjo do të zëvendësonte afërsisht një të tretën e importeve vjetore të gazit të BE-së nga Rusia.

Ndërsa pushtimi rus i Ukrainës ka hyrë në muajin e tij të dytë, BE-ja ka rritur presionin për të reduktuar varësinë e saj nga karburantet fosile ruse.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.