Begaj pret zyrtaren e DASH: Shqipëria, mbrojtëse dhe promovuese e të drejtave të njeriut!

Sociale | 3 vite më parë

Presidenti Bajram Begaj priti të enjten në një takim zyrtaren e Departamentit Amerikan të Shtetit, Rina Amiri, e dërguar Speciale e SHBA-së për gratë, vajzat dhe të drejtat e njeriut për Afganistanin.

Presidenti Begaj i shprehu falënderime për angazhimin e saj dhe të Shteteve të Bashkuara në mbrojtjen e të drejtave të njeriut për gratë dhe vajzat dhe për avancimin e një agjende globale për përfshirjen e grave në proceset e paqes.

Gjatë bisedës, u vlerësua mikpritja shqiptare për afganët e larguar nga vendi i tyre dhe për trajtimin me dinjitet.

“Ne nuk ofrojmë vetëm strehë, por dhe mundësi për ata që duan të ndërtojnë një të ardhme këtu”, theksoi Presidenti Begaj. Ai garantoi se Shqipëria, si anëtare e Këshillit të të Drejtave të Njeriut në OKB, do të jetë mbrojtëse dhe promovuese e të drejtave të njeriut.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.