Opozita do të vijojë përpjekjet për ndarjen e Fushë-Krujës dhe Krujës në dy bashki të veçanta. Këtë premtim e bëri Kreu i Partisë Demokratike, Sali Berisha gjatë fjalës së mbajtur në kuvendin zgjedhor  kësaj dege, duke iu referuar reformës territoriale.

Berisha u ndal tek ripërtëritja e partisë duke e cilësuar si jetike, pas sipas tij  PD nuk vjen në pushtet për shkak të së shkuarës së lavdishme, por për vizionin që kanë për të ardhmen.

“Në këtë kuadër, unë duhet t’u them një të vërtetë ju: në axhendën time ekzistonte, ta quajmë Foltorja e Ripërtëritjes, por kam kënaqësi që këtë veprimtari, këtë përpjekje të re, e inaugurojmë këtu në Krujë.

Dhe nuk ka një vend të dytë ku mund të frymëzojë më shumë se Kruja për një përpjekje të madhe. Kurrë nuk do ndërpresim përpjekjen tonë që Fushë Kruja të jetë bashki e veçantë dhe Kruja bashki e veçantë“, tha Berisha.

Sërish Berisha kritikoi qeverinë Rama për gjendjen ekonomike në vend, duke akuzuar mazhorancën për rritjen e çmimeve dhe përkeqësimin e kushteve të jetesës.

/rtsh.al/