Kreu i Sali Berisha u është bashkuar protestuesve të opozitës të mbledhur para ambienteve të Kuvendit, ku sot pritet të diskutohet çështja e imunitetit të deputetes Belinda Balluku.

Berisha përshëndeti protestuesit në hyrje të Kuvendit, para se të hynte në seancën plenare, duke akuzuar kryeministrin Edi Rama se me veprimet e tij dhe, sipas tij, me shkeljen e ligjit për të mbrojtur interesat personale, po dëmton perspektivën europiane të vendit.

“Vendimi i sotëm lidhet me një situatë dramatike që po përjeton vendi. Edi Rama është sot njeriu më i poshtëruar në detyrë në hapësirën e BE-së dhe më gjerë. Nuk ka një kryeministër më të poshtëruar para botës dhe popullit të tij, sepse po shkelmon ligjet dhe Kushtetutën për të mbrojtur interesat dhe vjedhjet e tij. Me veprimet e tij po mbyll dyert e vendit drejt BE-së,” deklaroi Berisha.

Ai shtoi se deputetët e opozitës do të votojnë në unison për heqjen e imunitetit dhe arrestimin e deputetes Balluku, por theksoi se sipas tij kjo nuk është zgjidhja e krizës politike.

“Sot jemi këtu për të shprehur mendimin e qytetarëve dhe do të votojmë në unison për heqjen e imunitetit dhe arrestimin e Ballukut, por kjo nuk është zgjidhja e krizës. Zgjidhja është largimi i Ramës,” tha Berisha.

Ndërkohë, opozita po zhvillon protestë para Kuvendit, ndërsa rreth 1500 efektivë policie janë angazhuar në terren për mbarëvajtjen e tubimit.

/rtsh.al/