Berisha në selinë e PD takohet me Alibeajn dhe Bardhin

Politikë | 5 vite më parë

Në selinë e Partisë Demokratike kanë nisur negociatat mes grupeve kundërshtare të cilat do të vendosin mbi të ardhmen e kësaj partie pas ndarjes mes përkrahësve të ish kryetarit Lulzim Basha dhe Komisionit të Rithemelimit të kryesuar nga ish kryeministri Sali Berisha.

Ky i fundit është takuar me kryetarin në detyrë Enkelejd Alibeajn dhe sekretarin e përgjithshëm Gazment Bardhin, në zyrën e këtij të fundit.

Zhvillimet më të fundit në kampin demokrat të ndarë në dy pjesë prej 9 shtatorit vinë pas vendimit të Gjykatës së Tiranës, e cila njohu ndryshimet statutore të Kuvendit të 11 Dhjetorit. Por nërsa përkrahësit e zotit Berisha e quajnë këtë një fitore dhe po përgatiten të marrin PD, grupi kundër thotë se do të ankohet ndaj vendimit të gjykatës.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.