Presidenti i SHBA Joe Biden ka theksuar rolin kritik të mbështetjes së SHBA për aleatët në mbarë botën duke përfshirë Izraelin, Ukrainën dhe Indo-Paqësorin në një fjalim në fillimin e Akademisë Ushtarake të SHBA në Ëest Point, Nju Jork.

Fjalimi para 1036 kadetëve të diplomuar të Ushtrisë Amerikane ishte për Biden një tregues për të theksuar përpjekjet e administratës për të mbështetur personelin ushtarak aktiv dhe në pension.

Biden i përshkroi ushtarët amerikanë se punojnë gjatë gjithë kohës për të mbështetur Ukrainën në përpjekjet e saj për të zmbrapsur pushtimin rus dyvjeçar, por përsëriti angazhimin e tij për t’i mbajtur ata jashtë vijës së frontit.

“Ne jemi të fortë me Ukrainën dhe do të qëndrojmë me ta”, tha Biden.

Ai gjithashtu theksoi rolin e SHBA-së në zmbrapsjen e sulmeve raketore iraniane kundër Izraelit dhe mbështetjen për aleatët në Indo-Paqësor kundër rritjes së militarizmit kinez në rajon.

“Falë Forcave të Armatosura të SHBA-së, ne po bëjmë atë që vetëm Amerika mund të bëjë si kombi i domosdoshëm, superfuqia e vetme në botë”, u shpreh Biden.

/rtsh.al/