Fermerët e Fierit dhe Mallakastrës kanë dalë në protestë në lidhje me çmimin e ulët të qumeshtit që ofrojnë grumbulluesit. 
Vitin e kaluar sipas fermerëve qumështi i bagëtive të imta është mbledhur me 170 lekë për liter, ndërsa çmimi që ofrohet këtë vit është shumë më i ulët 120 lekë. Kjo situatë e krijuar po i çon fermerët drejt falimentimit për shkak se ata nuk arrijnë të mbulojnë shpenzimet. 

Në shenjë protestë  fermerët  bllokuan për disa minuta qarkullimin e automjeteve në aksin Levan-Vlorë me kërkesën për mbështetje të blegtorisë, një ndër shtyllat kryesore të bujqësisë.

Një ditë më parë blegtorë nga Përmeti, Tepelena, Himara, Gjirokastra , Saranda, Delvina bllokuan aksin Kardhiq – Delvinë, në shenjë proteste për monopolin që sipas tyre po kërkojnë të vendosin fabrikat e përpunimit të qumështit mbi lëndën e pare. 

Për zgjidhjen e situatës është angazhuar dhe ministrja e bujqësisë Anila Denaj e cila kërkoi nga përpunuesit e qumështit për të gjetur një gjuhë komunikimi dhe për të trajtuar informalitetin në treg.

Gazetare Heriselda Dyrmishi

/ rtsh.al /