Britania e Madhe: Presim që Kina të mbrojë sovranitetin e Ukrainës

Botë | 5 vite më parë

Sekretarja e Jashtme e Mbretërisë së Bashkuar, Liz Truss ka pasur një bisedë telefonike me ministrin e Jashtëm kinez Wang Yi, ku ka kërkuar nga Kina një qëndrim mbështetës ndaj Ukrainës.

Më herët, presidenti i Kinës Xi Jinping i tha Vladimir Putinit se Kina mbështet Rusinë në përpjekjet për të zgjidhur krizën e Ukrainës “përmes dialogut”.

Kina dhe Rusia kanë një marrëdhënie të ngushtë diplomatike dhe më herët, ministria e jashtme kineze nuk pranoi ta quante ofensivën ruse si pushtim.

“Unë fola me Ministrin e Jashtëm Wang Yi për pushtimin e paprovokuar të Ukrainës nga Rusia dhe e bëra të qartë se veprimet e Rusisë janë një shkelje flagrante e Kartës së OKB-së. Si një anëtare e përhershme e Këshillit të Sigurimit të OKB-së, ne presim që Kina të mbrojë sovranitetin dhe integritetin territorial të Ukrainës.”, -reagoi ajo.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.