Broja shënon përsëri, por… Southampton nuk fiton

Angli | 5 vite më parë

Armando Broja ka arritur të gjejë golin e dytë në Premier Ligë, në ndeshjen e dytë që ka startuar që nga minuta e parë. Sulmuesi kuqezi ishte protagonist në barazimin 2-2, që skuadra e tij, Southampton arriti përballë Burnley. Në fillim të pjesës së dytë, sulmuesi kuqezi shfrytëzoi në mënyrën e duhur një top të dhënë nga Diallo dhe nuk gabon në veprime, duke finalizuar saktësisht. Broja u zëvendësua në këtë sfidë në minutën e 79-të nga Che Adams.

Skuadra e Burnley kaloi e para në avantazh në minutën e 13-të me anë të Cornet, por vendasit arritën të barazojnë në minutën e 41-të me anë të Livramento. Ndërkohë, pesë minuta nga fillimi I pjesës së dytë ishte sulmuesi kuqezi që solli avantazhin e vendasve, por që do të rezistonte vetëm shtatë minuta, pasi Cornet goditi përsëri, duke kompletuar dopietën personale dhe barazimin 2-2.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.