Bronny James, djali i Lebron James, pësoi një arrest kardiak të hënën gjatë një stërvitje në palestrën e kolegjit të tij. Lojtari, të cilit iu dha ndihma e parë menjëherë, është transportuar në spital në terapi intensive, kushtet janë të qëndrueshme dhe është larguar nga reparti duke u transferuar në ambjentet e zakonshme.

Bronny, i lindur në vitin 2004, është ndër kandidatët që do të zgjidhen gjatë Draftit të NBA-së 2024. Ngjarja hedh një hije dyshimi në karrierën e tij të mundshme profesionale dhe në projektin babë e bir për të luajtur së bashku në të njëjtin ekip. Megjithatë, i riu është ende nën vëzhgim dhe është shumë herët për të nxjerrë përfundime për këtë çështje.

Familja James falënderoi në një deklaratë këdo që tregoi afërsi pas incidentit dhe kërkoi privatësi. Falenderim edhe stafit mjekësor të kolegjit të Universitetit të Kalifornisë Jugore, i cili ofroi ndihmën e parë.