Çështja “Beccheti”/ Kushtetuesja rrëzon komisionin hetimor, PD: Po bëhet mburojë e korrupsionit

Politikë | 5 vite më parë

Pas vendimit të Gjykatës Kushtetuese, e cila rrëzoi kërkesën e PD për Komisionin Hetimor Parlamentar për çështjen Becchetti, ka ardhur edhe reagimi i Sekretarit të Përgjithshem të PD, Gazment Bardhi. Sipas tij, Gjykata Kushtetuese “po bëhet mburojë e korrupsionit dhe paligjshmërisë qeveritare”.

“Banaliteti me të cilin Gjykata Kushtetuese ka penguar ngritjen e Komisionit Hetimor për dëmin prej më shumë se 110 milion euro ndaj shtetit shqiptar, shkaktuar nga Edi Rama dhe qeveria e tij, provon edhe njëherë se kjo çështje ka nevojë urgjente që të hetohet! Asnjë arsye banale dhe jo kushtetuese nuk duhet të pengojë opozitën ti shkojë deri në fund kësaj çështje. Keqardhje që GJK e reformuar po “reformon” vetveten në dëm të interesit publik, duke u bërë mburojë e korrupsionit dhe paligjshmërisë qeveritare”, tha Bardhi.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.