Ndihmës Sekretari i Shtetit në Detyrë për Çështjet Evropiane dhe Euroaziatike, Ambasadori Philip T. Reeker vizitoi te merkuren Tiranën me nje axhende te kufizuar takimesh. Gjatë qëndrimit të tij Shqiperi, zoti Reeker u takua me kryeministrin Edi Rama dhe kryetarin e Partisë Demokratike Lulzim Basha. Ai pati dhe një drekë pune me ministren e Jashtme shqiptare Olta Xhaçka dhe ministrat e Mbrojtjes dhe Drejtësisë. Asnje nga selite qeveritare dhe partiake shqiptare nuk lehsoi asnje deklarate per takimet, por zbardhjen e tyre e beri ne mbremje Ambasada e SHBA ne Tirane. Sipas një njoftimi të ambasadës amerikane, zoti Reeker “përgjatë gjithë takimeve të tij, nënvizoi vendosmërinë e Presidentit Biden dhe Sekretarit të Shtetit Blinken se lufta kundër korrupsionit, përfshirë përmes përcaktimeve publike për korrupsion madhor, është një interes thelbësor i sigurisë kombëtare për Shtetet e Bashkuara”. Disa jave me pare permes nje deklarate zyrtare Deprtaamenti i Shtetit njoftoi se ka vendosur ndalimin e hyrjes në territorin e Shteteve të Bashkuara, për korrupsion madhor, ndaj ish kryeministrit Sali Berisha dhe familjes së tij. Dhe eshte pikerisht ketij vendimi qe mesa duket i referohej ambasada kur citonte deklaratat e zotit Riker jo vetem ne takimin e Ramen, por edhe ne ate me Bashen ne seline e PD. 
Ajo që ra në sy gjatë vizitës së zotit Reeker, ishte dhe mungesa e një takimi me presidentin Ilir Meta. Ne situaten e krijuar, pas konflikteve para dhe pas zgjedhore, nje mungese e per nje takim ttille mund te ishte i pritshem, por një zëdhënës i ambasadës amerikane i tha Zërit të Amerikës se “për arsye të ndërtimit të agjendës, këtë herë nuk ishte i mundur një takim me presidentin Meta”.
Nga ana e tij, Presidenti Meta e komentoi ne mbremje permes zedhenesit te tij, Tedi Blushi mungesen e takimit me zotin Riker me faktin se atij nuk i ishte propozuar ne axhende asnje kerkese per takim. Presidenti Meta, veçanërisht muajt e fundit ka patur përplasje te forta me ambasadoren amerikane Yuri Kim, ndërsa përdori tone të ashpra ndaj vendimit të Departamentit amerikan ndaj zotit Berisha duke e cilësuar atë një “fletërrufe” apo “një akt të shëmtuar,  e të pabesë te ndikuar nga lobingjet antishqiptare”. Nje tjeter teme per te cilen ka folur Ndihmes sekretari amerikan i Shtetit ne takimet ne Tirane ka qene edhe stervitja e fundit e perbashket me palen shqiptare. Sipas njoftimit të ambasadës amerikane, ambasadori Reeker “përgëzoi udhëheqësit e Shqipërisë për suksesin e tyre në mikpritjen e Stërvitjes Defender Europe 21, e cila theksoi rolin strategjik të Shqipërisë në rajon”. Ai gjithashtu “mirëpriti rolin e Shqipërisë në rajon dhe në arenën globale, ndërsa Shqipëria merr vendin në Këshillin e Sigurimit të OKB-së”.
Ndihmës Sekretari amerikan i Shtetit “përsëriti mbështetjen e fortë të Shteteve të Bashkuara për reformat në sistemin e drejtësisë dhe në luftën kundër krimit të organizuar, duke nënvizuar se si përparimi në këto çështje do të nxisë demokracinë, mbrojtjen dhe biznesin në Shqipëri dhe do të vijojë rrugën e Shqipërisë drejt pranimit në Bashkimin Europian”. Për të dëshmuar mbështetjen ndaj Reformës në Drejtësi, ai bisedoi dhe me një grup magjistratësh që kanë kaluar procesin e vettingut. Ambasada Amerikan zgjodhi per te komentuar kete takim Zerin e Amerikes, ku nje zedhenes i saj tha se “Ndihmës Sekretari i Shtetit Reeker dhe ambasadorja Kim u takuan me gjyqtarë dhe prokurorë që shënojnë një epokë të re të Drejtësisë shqiptare. 
Këta magjistratë u zgjodhën sepse përfaqësojnë ata që kanë përmbushur nivelin e integritetit dhe profesionalizimit qoftë duke plotësuar kërkesat e reja rigoroze për t’u bërë shërbëtorë të drejtësisë shqiptare, ose duke kaluar procesin e vështrë por të nevojshëm të vettingut”. Zëdhënësi theksoi më tej se “profesionistë të besuar, si këto gra dhe burra, po krijojnë një sistem drejtësie të pavarur, por llogaridhënës, dhe po punojnë në mënyrë të palodhur për t’i dhënë drejtësi të ndershme dhe të paanshme popullit shqiptar”.