Cikalleshi rikthehet në Shqipëri, sulmuesi i njohur pranë firmës me Flamurtarin

Abissnet Superiore | 10 muaj më parë

Sulmuesi i njohur Sokol Cikalleshi mund të rikthehet në kampionatin shqiptar. RTSH Sport mëson se 35-vjeçari, që aktualisht është lojtar i lirë, është takuar ditën e sotme me presidentin e Flamurtarit, Sinan Idrizi.

Palët duket se kanë rënë dakord për të nisur një bashkëpunim dhe pritet që Cikalleshi të firmosë me skuadrën vlonjate në ditët në vijim.

Cikalleshi është një emër i njohur i futbolli shqiptar, që ka shkëlqyer me fanellën e disa skuadrave në Shqipëri, por ka spikatur edhe jashtë vendit, sidomos në kampionatin turk. Eksperienca e tij pritet të jetë një ndihmë e madhe për skuadrën vlonjate, që nuk po kalon ditët e saj më të mira.

Flamurtari

RTSH Sport

Sokol Cikalleshi

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.