Konkursi për Kompozitorët e Rinj  “Çesk Zadeja”, i cili u zhvillua në nderim të ikonës shqiptare të muzikës, kompozitorit Çesk Zadeja, me rastin e 95- vjetorit të lindjes dhe 25- vjetorit  të ndarjes nga jeta, por edhe në mbështetje të krijuesve të rinj, u përmbyll me ndarjen e çmimeve për veprat që ishin në konkurim.

Në këtë nismë të Ministrisë së Kulturës, konkuruan gjithsej 7 artistë me kompozimin e tyre të parë artistik, por vetëm 3 prej tyre mundën që të vlerësohen.

Çmimi e parë shkoi për Serxhio Beqon, i dyti për Kris Sopiqotin, ndërsa çmimi i tretë për Jetmir Zaganjorin.

Konkursi i kompozicionit “Çesk Zadeja”, synon evidentimin dhe mbështetjen e kompozitorëve të rinj, duke qenë se vitet e fundit vihet re një mungesë e dukshme e përzgjedhjes së kësaj dege mësimore.

Ministrja e Kulturës, Elva Margariti, e pranishme në këtë event, u shpreh se kjo nismë do të kthehet në një traditë, për të mbështetur  artistët e rinj.

/rtsh.al/