COVID-19 – Mbi 2,79 miliardë vaksina të administruara në mbarë botën

Botë | 5 vite më parë

Mbi 2,79 miliardë doza të vaksinave kundër koronavirusit janë administruar deri tani në të gjithë botën, tregojnë shifrat e përpiluara nga platforma “Our World in Data”.

Kina kryeson për nga numri global me mbi 1,1 miliardë doza të vaksinave, e ndjekur nga SHBA-ja me 319,87 milionë.

India ka administruar 293,37 milionë vaksina, Brazili 91,59 milionë, Britania e Madhe 75,19 milionë, Gjermania 69,52 milionë, Franca 48,99 milionë dhe Italia 47,72 milionë.

Turqia renditet e nënta në listë me mbi 45,2 milionë doza të administruara, e ndjekur nga Meksika, Spanja, Indonezia dhe Rusia.

Numri i dozave të administruara ka tejkaluar atë të popullsisë në 11 vende, përfshirë Emiratet e Bashkuara Arabe (EBA), Maltën, Sejshellet, San Marinon dhe Izraelin.

Vendi me më shumë doza të administruara krahasuar me numrin e popullsisë është EBA me 148,99 doza për 100 persona.

Shumica e vaksinave kundër COVID-19 administrohen në dy doza, kështu që numri i të vaksinave të administruara nuk është i njëjtë me numrin e individëve të vaksinuar plotësisht./ATSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.