Donald J. Trump ishte e papritura e ceremonisë zyrtare kur Chelsea u kurorëzua Kampione e Botës për Klube. Njëri prej protagonistëve të ekipit londinez ka rrëfyer sot frikën e madhe që kishte kur pa se presidenti i Shteteve të Bashkuara të Amerikës nuk pranoi që të largohej nga podi pas dorëzimit të trofeut.

“Të gjithë ne po prisnim që ai të largohej, por ai nuk kishte këtë qëllim. Shikimet tona u kryqzuan dhe ai na tha: ‘Ngrijeni lart, unë po qëndroj këtu!’”, zbuloi Cucurella.

“Të them të drejtën askush prej nesh nuk kishte guxim që t’i drejtohej atij, e dini mirë këtë pjesë… unë isha i trembur”, vazhdoi spanjolli.