Dalin analizat e ADN-së/ Komiteti Hetimor Rus: Vdekja e Prigozhin konfirmohet

Botë | 3 vite më parë

Shefi i Wagner, Evgeny Prigozhin u shpall zyrtarisht i vdekur pas daljes së analizave gjenetike mbi trupat.

Komiteti Hetimor Rus njoftoi se ekzaminimi i trupave të dhjetë pasagjerëve në avionin e rrëzuar përfundoi dhe rezultatet e ADN-së korrespondojnë me emrat në listën e pasagjerëve.

Kjo do të thotë se është konfirmuar në mënyrën më zyrtare se lideri i Wagner-it, Evgeny Prigozhin ka vdekur, sipas BBC.

Avioni privat i Prigozhin u rrëzua në veri-perëndim të Moskës më 25 gusht, duke vrarë të gjithë ata që ishin në bord.

Kremlini ka mohuar spekulimet se ishte fajtor për rrëzimin.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.