Një rrjedhje masive e dokumenteve konfidenciale të  publikuara nga Guardian zbulon se si gjigandi i teknologjisë Uber shkeli ligjet, pengoi drejtësinë dhe iu afrua udhëheqësve, zyrtarëve të lartë, miliarderëve, oligarkëve dhe baronëve të medias në një operacion të fshehtë lobimi, teksa përpiqej në mënyrë agresive për zgjerimin e tij global.

Dosjet, të zbuluara në gazetën britanike dhe të marra nga Konsorciumi Ndërkombëtar për Gazetari Hulumtuese, zbulojnë mbështetjen e fshehtë për Uber nga presidenti francez Emmanuel Macron dhe ish-komisionerja e BE-së Nelly Kroes.

Më shumë se 124,000 dokumente , të ashtuquajturat “Uber Files”, zbulojnë praktika etike të dyshimta nga kompania “në rrugën” për t’u bërë një gjigant biznesi global. Një operacion i madh lobimi “i lartë” sekret po del në dritë, me të dhënat që zbulojnë përpjekjet për të arritur Joe Biden, Olaf Soltz dhe George Osborne, ndër të tjera.

Dokumentet e zbuluara përfshijnë një periudhë pesëvjeçare nga 2013 deri në 2017, kur Uber drejtohej nga bashkëthemeluesi i saj Travis Kalanick, i cili u përpoq të merrte shërbimet e taksive ndërkombëtarisht duke prishur industrinë evropiane të taksive.

Mes reagimit ndërkombëtar, provat tregojnë se Uber u përpoq të tërhiqte mbështetje duke flirtuar në mënyrë delikate me kryeministrat, presidentët, miliarderët, oligarkët dhe baronët e medias./ BBC

/rtsh.al/