Demokratët zgjedhin sot kreun e PD, në garë Sali Berisha dhe Ibsen Elezi për drejtimin e partisë

Politikë | 4 vite më parë

Demokratët do të vendosin sot për drejtuesin e partisë së tyre, ku në garë janë Sali Berisha, themeluesi dhe ish kryetari i PD, dhe demokrati Ibsen Elezi. Këto zgjedhje zhvillohen nga Komisioni i Rithemelimit, ku demokratët do të votojnë përmes parimit “një anëtar një votë” në 108 qendra votimi në të gjithë vendin.

Procesi i votimit ka nisur në orën 08:00 dhe do të mbyllet në orën 18:00. Në fletën e votimit emri i parë është ai i Sali Berishës dhe pas tij, ai i Ibsen Elezit.

Komisioni i Organizimit dhe Kontrollit të Operacioneve Elektorale ftoi të gjithë anëtarët e PD të bëhen pjesë e procesit të votimit për zgjedhjen e Kryetarit të Partisë Demokratike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.