Dënimi i Salianjit, PD do të mbledhë nesër Këshillin Kombëtar

Politikë | 2 vite më parë

Partia Demokratike do të mbledhë të dielën (29 shtator) Këshillin Kombëtar, pas dënimit të deputetit Ervin Salianji.

Mbledhja është thirrur nga kryetari Edi Paloka dhe pritet të mbahet në orën 18:00, teksa mësohet se do të vendoset strategjia e protestës së paralajmëruar për më 6 tetor.

Në një deklaratë për mediat, kreu i PD-së, Sali Berisha tha se përgjigjja e demokratëve për dënimin e Salianjit do të jetë “mosbindja më e fuqishme civile.”

Salianji u vetëdorëzua dje (27shtator) në Policinë e Tiranës, pasi Gjykata e Apelit la në fuqi dënimin e shkallës së parë me 1 vit burg. Ai u shpall fajtor për akuzën e “kallzimit të rremë” për audio-përgjimin e bërë publik në vitin 2018, ku pretendohej se vëllai i ish ministrit të Brendshëm, Fatmir Xhafaj, ishte përfshirë në një episod trafiku droge.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.