Deputetët socialistë do të monitorojnë çmimet

Politikë | 5 vite më parë

Nga dita e enjte deputetët e PS do t’i bashkohen ministrave e do zbresin në terren për të parë zbatimin e masave të marra nga paketa sociale pas rritjes së çmimeve të ndikuar nga lufta në Ukrainë. Vendimi u mor në mbledhjen e grupit parlamentar.

Fokusi i ligjvënësve të Partisë Socialiste është i njëjtë me atë të qeverisë dhe lidhet me monitorimin e tregut për të mos lejuar abuzimet me çmimet, u shpreh kreu i grupit parlamentar socialist, Taulant Balla. Ai tha se të gjithë deputetët do të jenë në të 61 bashkitë e vendin për të monitoruar çmimet.

Të enjten në parlament do të ketë një mocion me debat të propozuar nga Partia Demokratike lidhur me rritjen e çmimeve dhe masat e marra nga qeveria për përballimin e tyre. Ai do të zgjasë 3 orë, ku çdo grup parlamentar do ketë peshën e vet në këtë debat.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.