Dhjetë itinerare të reja për të vizituar Murin e Madh

Kulturë | 5 vite më parë

Kryeqyteti kinez, Pekini, inauguroi 10 itinerare të reja turistike për Murin e Madh, njoftoi Zyra Rajonale për Pasurinë Kulturore, bën të ditur Radio e Jashtme e Kinës.

Rrugët e reja mbulojnë 9 fshatra dhe 27 zona peizazhi në Parkun Kulturor Kombëtar të Murit të Madh, që lidhin pjesët kryesore të tij. Karakterizuar nga trashëgimi e pasur kulturore dhe peizazhe të larmishme, itineraret do të japin një pasqyrë të plotë të kulturës së Murit të Madh.

Përurimi i rrugëve të reja bëhet në kuadër të Festivalit të Kulturës së Murit të Madh.
Muri i Madh, me një gjatësi totale prej mbi 20.000 km, është shpallur Trashëgimi Botërore nga UNESCO dhe përbëhet nga shumë seksione të ndërlidhura.
Pekini ka një total prej 520 km seksionesh në territorin e tij, ndër të cilat më i vizituari është Badaling.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.