Dita e Tokës në Fier, ndalim qarkullimi për makinat deri në mesditë

Sociale | 3 vite më parë

Edhe qyteti i Fierit i është bashkuar aktivitetit sensibilizues në Ditën Botërore të Tokës.

Institucionet vendore, Bashkia dhe Prefektura në bashkëpunim me strukturat e policisë kanë organizuar ndalimin e qarkullimit për automjetet prej nga ora 8 e mëngjesit deri në mesditë në qendër të qytetit.

Nisma kishte për synim reduktimin e qarkullimit të automjeteve dhe dhënien përparësi mjeteve alternative të lëvizjes apo ecjes së kalimtarëve në bulevardin kryesor te qytetit.

E shënuar çdo vit në datën 22 Prill, Dita e Tokës synon të shtyjë njerëzit të jenë sa më miqësorë me mjedisin.

Mesazhi i kësaj dite shërben si ndërgjegjësim për të gjithë në reduktimin sadopak të nivelit të ndotjes dhe për një qytet të pastër.

RTSH

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.