Ditët e fundit në disa mediet në vend është ngritur alarmi se vaji i gjembaçit po shitet si vaj luledielli dhe po dëmton shëndetin e shqiptarëve. Por për herbalistin Irfan Gjeçi po bëhet një abuzim me emrin pasi ai që po shitet nuk është vaj gjembaçi.

Në një intervistë për “Jetë Shqiptare” në RTSH, herbalisti tha se vaji i gjembit të gomarit është një vaj kurues për kancerin e mëlçisë dhe pankreasit dhe se ka një kosto tepër të lartë dhe nuk është ai që po aludohet nga mediet.

“Ka një keqkuptim me emrin kemi gjembin e gomarit dhe lufton kancerin, pastron mëlçinë dhe pankreasin dhe gjembaçi ka një kosto të lartë ku 1 litër shkon në 200-300 euro. Keqkuptimi me emrin dëmton shumë njerëz që duhet ta përdorin për të luftuar kancerin e mëlçisë dhe ky është një dëm që bëhet. Ata që kanë shkruar nuk e dinë se kush është gjembaçi dhe gjembi i gomarit. Ajo që po flitet nuk ka të bëjë fare me vajrat këtu. Nëse do futej do ishte një mrekulli dhe do i kishte bërë një shërbim popullit”, tha herbalisti.

/rtsh.al/