Doganat bllokojnë cigaret elektronike kontrabandë drejt Kosovës

Ekonomi | 3 vite më parë

Një kontejner ngarkuar me cigare elektronike në sasinë 1500 kg ose 34 420 copë, është bllokuar nga autoritetet doganore në Portin e Durrësit. Ai kishte mbërritur me anijen MCS Caledonia II, pasi ishte nisur nga porti italian i Gioia Tauro.

Nga kontrolli i ushtruar nga autoritetet doganore shqiptare ka rezultuar se cigaret elektronike ishin pa pullë fiskale të Republikës së Shqipërisë apo të Republikës së Kosovës.

Administrata doganore ka pezulluar procedurat e tranzitit, është bërë bllokimi i kontejnerit në sheshin e kontejnerëve në Portin e Durrësit dhe është kryer referimi pranë Prokurorisë Gjykatës së Shkallës së Parë të Juridiksionit të Përgjithshëm, Durrës, për veprën penale “Kontrabanda me mallra që paguhet akcizë”, parashikuar nga nenet 172 të Kodit Penal”.

/ rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.