Eksportet e makinave të Kinës në korrik arritën një rekord të lartë në mes të rimëkëmbjes së mëtejshme të tregut, kanë treguar të dhënat e industrisë, njofton “Xinhua”.

Prodhuesit kinezë të makinave eksportuan rreth 174.000 automjete muajin e kaluar, një rritje prej 180 për qind në vit dhe 9.8 për qind nga muaji në muaj, sipas Shoqatës kineze të Prodhuesve të Automjeteve (CAAM).

Automjetet e reja elektrike kontribuan me 31.5 për qind të eksporteve të përgjithshme në korrik, treguan të dhënat e CAAM.

Nga janari deri në korrik, u eksportuan mbi 1 milion automjete, një rritje prej 120 për qind nga viti në vit.

 

Shitjet e makinave të Kinës u rritën 19.3 për qind në vit në gati 14.76 milionë njësi në shtatë muajt e parë të vitit 2021, treguan të dhënat e mëparshme të Shoqatës kineze të Prodhuesve të Automjeteve, CAAM.