Ekstradohet nga Belgjika në Shqipëri, Leonard Duka, kreu i klanit “Duka”.  RTSH mëson se 37-vjeçari Duka pritet të mbërrijë pas pak në Aeroportin e Rinasit.

Leonard Duka u arrestua në 18 maj në Belgjikë, në kuadër të megaoperacionit “Metamorfoza’ pas 3 vitesh arrati.

Grupi kriminal i cili drejtohej nga Leonard Duka, ka pasur konflikt të vazhdueshëm me grupin e Ervis Martinajt i cili kërkohet nga drejtësia shqiptare.

Duka dhe Martinaj, patën përplasje të ashpra pas konfliktit për biznesin e lojërave të fatit, çka solli dhe pengmarrjen nga i shumëkërkuari i drejtësisë së babait të Leonardit. Kjo ngjarje nxiti dhe hakmarrjen e Leonardit ndaj Martinajt, duke tentuar eliminimin fizik të tij. Por pasi dështoi, Leonardi u akuzua për ekzekutimin e krahut të djathtë të Martinajt, ish-efektivin Santiago Malko në gusht të 2019-ës.

Leonard Duka u arrestua edhe në shkurt të 2023 në Belgjikë për vrasjen e Santiago Malkos por qëndroi vetëm disa muaj në arrest, pasi ende nuk kishte marrëveshje për ekstradimin e tij.

/rtsh.al/