Ekstradohet nga Greqia shqiptari i dënuar me 18 vite burg për trafikim fëmijësh, një tjetër nga Gjermania për narkotikë

Aktualitet | 6 muaj më parë

Interpol Tirana ka sjellë në Shqipëri dy shtetas të dënuar për krime të rënda, pas ekstradimit të tyre nga Greqia dhe nga Gjermania.

Është ekstraduar nga Greqia Mustafa Saliu, i cili është dënuar nga Gjykata e Durrësit me 18 vjet burg për “Trafikim të fëmijëve”, kryer në bashkëpunim dhe nëpërmjet dhunës.

Sipas vendimit gjyqësor, gjatë viteve 2001–2002, Saliu, së bashku me persona të tjerë, ka trafikuar fëmijë nga Shqipëria drejt Greqisë, ku ata janë shfrytëzuar për lypje në rrugët e Athinës, nën presion dhe kontroll të vazhdueshëm.

Ndërkohë, nga Gjermania është transferuar për të vuajtur dënimin në Shqipëri shtetasi Florjan M., (Cojocareanu), i dënuar me 8 vjet e 10 muaj burg për veprimtari kriminale në fushën e narkotikëve, të kryer në territorin gjerman.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.